LOST MAHARASHTRIAN RECIPES FROM ANCESTRAL KITCHEN – PART 2

महाराष्ट्राची पाककृती फक्त एकच नाही तर वेगवेगळ्या स्थानिक पाककृतींचा संग्रह आहे जो प्रदेशापेक्षा भिन्न आहे. या पाककृतींवर विस्तृत संशोधन करून आम्ही आपल्याला महाराष्ट्रातील या प्रादेशिक स्वादांचा अनुभव घेण्यासाठी आमंत्रित करतो. सर्व मसाले होममेड आणि एक व्यवस्थित ठेवलेले रहस्य आहेत.

आम्हाला काही माहित असलेल्या dishes आणि त्यांच्या recipes. तुम्हाला जर काही अजून recipes माहित असल्यास आमच्या whatsapp group वर टाकाव्यात. आम्ही त्या आमच्या Facebook Page  वर तुमच्या नावासहित post करू.  

 भरलेले पडवळ

साहित्य: १/४ किलो पडवळ (कोवळे)

फोडणीसाठी: १ टेस्पून तेल, चिमुटभर जीरे, १/४ टिस्पून हळद, १/४ टिस्पून लाल तिखट

सारण:

  • ३/४ कप ताजा नारळ
  • ५ टेस्पून बेसन
  • २ टेस्पून शेंगदाण्याचा कूट
  • १/२ टिस्पून लाल तिखट
  • १/४ टिस्पून हळद
  • १/४ टिस्पून हिंग
  • १/२ टिस्पून जिरेपूड
  • १ टिस्पून धणेपूड
  • १/२ टिस्पून आमचूर पावडर (ऐवजी लिंबाचा रस किंवा चिंचेचा कोळ वापरू शकता)
  • १/२ टिस्पून ओवा
  • १/२ टिस्पून जीरे
  • १/२ टिस्पून तीळ
  • २ टिस्पून साखर
  • ३-४ टेस्पून तेल
  • चवीपुरते मीठ

कृती:
१) पडवळाचे १ इंचाचे तुकडे करावे. आतील भाग चमच्याच्या मागील बाजूने कोरून काढावा. थोडेसे मीठ चोळावे. साधारण ७० % शिजतील इतपत वाफवून घ्यावे. पाणी काढून वाफवलेले तुकडे चाळणीत काढून १५ मिनिटे वाऱ्यावर ठेवावे.
२) बेसन कोरडेच भाजून घ्यावे. एका वाडग्यात काढावे. त्यात शेंगदाणा कूट, नारळ, लाल तिखट, हळद, हिंग, जिरेपूड, धणेपूड, आमचूर पावडर, ओवा, जीरे, तीळ, साखर आणि चवीपुरते मीठ असे घालून मिक्स करावे. हे मिश्रण पडवळाच्या तुकड्यात भरावे.
३) एका फ्राइंग पॅनमध्ये तेल गरम करावे. त्यावर भरलेले पडवळ ठेवावे. मंद आचेवर झाकण ठेवून शिजू द्यावे. हलक्या हाताने बाजू पलटावी. जर अजून तेल हवे असल्यास कडेने थोडेसे तेल सोडावे.
पडवळ नीट शिजले कि पोळीबरोबर सर्व्ह करावे.

टीप:
१) पडवळ शिजताना मधल्या सरणावर २-३ थेंब तेल घातल्यास सारण शिजायला मदत होते.

 कच्च्या पपईची भाजी

साहित्य:

  • एक मध्यम नारळाच्या आकाराएवढी कच्ची पपई
  • अर्धा नारळ खवून
  • जिरं एक सपाट चमचा
  • हिरव्या मिरच्या चार-पाच
  • चवीपुरता गुळ-मीठ
  • तुरीची किंवा हरभऱ्याची भिजवलेली डाळ दोन चमचे
  • तेल अर्धी पळी, फोडणीचं साहित्य

कृती:

  • पपईची साल काढून मध्यम आकाराच्या फोडी करून घ्याव्यात .
  • तेलाची हिंग, हळद, मोहरी घालून फोडणी करून त्यात पपईच्या फोडी घालून परताव्या .
  • पाणी पाव वाटी घालावी. जिरं, मिरची, खोबरं वाटून घालावं.
  • चवीपुरता गुळ व मीठ घालून मंद आचेवर वाफ आणावी.

टाकळ्याची भाजी 

साहित्य:

  • टाकळ्याच्या ३-४ जुड्या (पाने खुडावीत व धुवुन चिरून घ्यावीत)
  • २ कांदे चिरुन
  • २-३ मिरच्या
  • ३-४ लसुण पाकळ्या ठेचुन
  • पाव चमचा हिंग
  • पाउण चमचा हळद
  • चवी पुरते मिठ
  • अर्धा चमचा साखर
  • पाव वाटी खवलेले ओल खोबर
  • २ मोठे चमचे तेल.

कृती: 

  • तेल गरम करुन त्यात लसूण पाकळ्या व मिरची घालावी.
  • जरा परतवून कांदा घालावा.
  • लगेच हिंग हळद घालून परतवावे व चिरलेला टाकळा घालावा. (हा टाकळा तव्यावर भाजून मग भाजी करण्याची ही पद्धत आहे. पण मी न भाजताच करते)
  • झाकण ठेउन थोडावेळ भाजी शिजू द्यावी. थोड्या वेळाने मिठ व साखर घालावी.
  • जरा परतवून २-३ मिनीटे शिजू द्यावी.
  • नंतर ओल खोबर खालून परतवून गॅस बंद करावा.

To #Join #Maitree #Whatsapp #Group click the link: https://bit.ly/2A4svIr

Like & Follow us on FB: https://www.facebook.com/pg/harshagardenrestaurant

 

 

 

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *